الموضوع: طالعين رحلة ع الشام

بسم الله الرحمن الرحيم

كيفكن يا زملاءنا في الشام... أشو أخباركم ... إن شاء الله تمام...

بصراحة و بدون مقدمات ... بعد الموافقة من جامعة القمون و جامعة دمشق بدها تقوم كلية طب الأسنان بحلب بالقيام برحلة علمية الاعية لطلابها إلى الجامعتين المذكورتين .. على أن تتم زيارة كلية الأسنان في القلمون يوم السبت و في دمشق يوم الأحد القادمين..

و بما انو ما في عنا عدد كبير من أعضاء المنتدى في القلمون و الأغلب من دمشق فرح تكون دعوتنا حالياً لطلاب دمشق.. رح نحاول إن شاء الله القيام بقعدة جماعية بين أعضاء المنتدى من حلب و أعضاء المنتدى من دمشق ... رح يكون الإجتماع بمقصف كلية طب الأسنان في دمشق ع الغالب بعد الساعة 12...

يمكن يتغير الزمان و المكان.. حسب الإتفاق بينا و بين الزملاء يوم السبت... بس الفكرة قائمة إن شاء الله...

عطونا رأيكم بالموضوع أو اقتراحاتكم...

المواضيع المتشابهه:

• الشام شامنا .. لو الزمن ضامنا
• تكاسي الشام!!
• طالعين رحلة التلاتا إن شاء الله
• أحاديث شريفة في فضل الشام ...
• أحاديث النبي عن فضائل بلاد الشام

أي ميت أهلا و سهلا فيكون والفكرة حلوة بس كمان قيد الدراسة ...............

لك يااااااا 100 اهلا وسهلا
ناطرينكن اكيد
وما بدكن ترحيب انتو من اهل البيت

جايييييييين ع الطريق...
جاي ع بالي حرااااااااق بأصبعو...
ما بعرف شو هية... بس المهم انها اكلية شامية...

شكراً شكراًً شكراً للكل... والله كفو...

بصراحة رايدين نتعف على بعض عن قرب أكتر .. لأنو اللي حبيناهم من خلال خطهم منتمنى نشوفهم شخصياً..

لقاءنا يوم السبت و الأحد إن شاء الله

يا اهلا و سهلا ....
بانتظاركم نحنا ...

حابب قلكن شغلة...كافتيريا السنيناتية بالعادة بتكون معجوئة خصوصي أنو يوم أحد و كمان غيوم الدخان فيها بتكون كثيفة لهيك برأيي إذا في ببالكن مكان تاني بكون أفضل ...
يعني بالمختصر بفوت دقيقة لعند أبو أنس و باخد سندويشتي و بطلع بكون بي غسيل من ريحة الدخان...

الاقتراحات..
كلية الأسنان محاطة بحديقتين كتير نضاف و حلوين...
او مقصف الصيدلة مفتوح و مهوا "بس هون لازم نعرف كم العدد لأن الأماكن محدودة" و هون أنا ممكن احجزلكن بالمقصف بس بدي عدد تقريبي

أبو هاشم موبايلي معك..